Alarmi i OKB për klimën: Bota nuk po bën sa duhet kundër ngrohjes globale

27 Tetor 2022 | 16:31

Kombet e Bashkuara kanë bërë një paralajmërim se bota nuk po bën sa duhet për të luftuar ngrohjen globale. Vitin e kaluar, gjatë konferencës së OKB-së në Glasgou, të gjitha vendet ranë dakord të rishikojnë dhe përforcojnë planet e tyre për klimën. Sidoqoftë, vetëm 24 nga 193 vende përditësuan planet.

Ajo që shqetëson ekspertët është fakti se tre gazrat kryesorë, dioksidi i karbonit, metani dhe oksidi nitrat, prekën nivele rekord në atmosferë vitin e kaluar.

“Të gjitha këto tre gazra kanë thyer rekorde të reja, që do të thotë se nuk kemi parë një përmirësim të atmosferës deri tani. Për shembull, gjatë viteve të fundit pamë bllokada në shumë vende ku emetimet e dioksidit të karbonit kanë rënë, por për shkak të jetëgjatësisë së tyre nuk kemi parë ndonjë përmirësim në atmosferën reale”, thotë Petteri Taalas, sekretar i përgjithshëm i Organizatës Botërore Meteorologjike.

Në më pak se dy javë, liderët botërorë pritet të mblidhen në Egjipt për një konferencë tjetër. Me planetin që po vuan nga stuhitë, vala e të nxehtit dhe përmbytjet me temperaturat 1.2 gradë Celsius mbi nivelin para-industrial, ekspertët e OKB-së thonë se bota duhet të veprojë me më shumë urgjencë për të ndalur emetimet.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Vrasja e dy emigrantëve në Teksas dhe Maine, Trump: Agjentët e ICE nuk do t’i ndalojnë kontrollet e automjeteve

Presidenti amerikan, Donald Trump tha të mërkurën se agjentët federalë të emigracionit, ICE nuk do t’i japin fund ndalimeve dhe kontrolleve të automjeteve, një ditë...
14:16 | 15/07/2026

Rritet numri i viktimave nga lufta në Gaza, që nga armëpushimi i tetorit 1,123 palestinezë janë vrarë

Ministria palestineze e Shëndetësisë njoftoi se 12 trupa janë dërguar në spitalet në Gaza dhe një person i plagosur ka vdekur gjatë periudhës së fundit...
13:56 | 15/07/2026

U arrestua pak ditë më parë nën akuzën për shpifje, Maroku liron gazetarin Ali Lmrabet

Një prokuror maroken tha të mërkurën se kishte urdhëruar lirimin e gazetarit dhe komentatorit politik Ali Lmrabet, pasi e mori në pyetje lidhur me akuzat...
13:37 | 15/07/2026