Altin Hoti: Qeveria realizon vetëm 50% të investimeve të parashikuara

“Qeveria në 10 vitet e fundit realizon vetëm 50% të investimeve, ndërkohë që shteti përmes këtyre investime mund të rrisë vendet e punës.Ndaj ky buxhet nuk do të bëj përjashtim”, tha profesori i Ekonomisë në Universitetin Amerikan të Lindjes së Mesme në Kuvajt, Altin Hoti në bisedën për buxhetin në ‘Me pak fjalë”, në Euronews Albania, të martën.

Gjatë bisedës me Neritan Sejaminin, Hoti u shpreh se ndryshimi i sistemit të taksave ka tkurrur investimet e huaja në vend:

“Mungesa e stabilitetit të politikës fiskale i largon nga Shqipëria duke sjellë tkurrjen e investimeve në Shqipëri.”

Gjithashtu ai sqaroi se ndryshimi i taksave ndikon edhe në bizneset në vend, dhe e bën të pamundur administratën tatimore të mbledhë të ardhurat.

“Këto paqëndrueshmëri e drejtojnë biznesin drejt mos-pagesës së taksës,” përfundoi Hoti.