Alvarez dëshiron të largohet nga Atletico Madrid: Gjëja më e mirë për të gjithë është një transferim

Sulmuesi argjentinas Julian Alvarez ka deklaruar se dëshiron të largohet nga Atletico Madrid. Alvarez foli pas fitores 2-0 të Argjentinës ndaj Austrisë të hënën në Kupën e Botës në Arlington të Teksasit.

“Gjëja më e mirë për të gjithë është një transferim”, tha lojtari 26-vjeçar për ESPN.

“Nuk mendoj se është koha e duhur për të folur për këtë, por as nuk mund ta fsheh. Duhet të jem i sinqertë dhe fola me njerëz në klub, me ata me të cilët kisha nevojë të flisja”, shtoi ai.

Jo shumë kohë pasi komentet e tij u botuan në Spanjë, imazhe të disa tifozëve të Atleticos duke djegur fanellën e lojtarit u postuan në mediat sociale.

Më herët këtë muaj, Real Madridi tha se Atletico refuzoi një ofertë prej 150 milionë eurosh për 26-vjeçarin.

Gjithashtu thuhet se Barcelona është e interesuar të nënshkruajë me sulmuesin e talentuar argjentinas. Atletico ka thënë se nuk ka ndërmend të negociojë. Mediat spanjolle raportuan se kishte një klauzolë lirimi për Alvarez me vlerë 500 milionë euro.