Ambasada e SHBA: Shqipëria partnere në luftën kundër trafikut ndërkombëtar të drogës

Ambasada Amerikane në Tiranë, në një postim të saj, ka publikuar raportin e Strategjisë Ndërkombëtare të Kontrollit të Narkotikëve për vitin 2025.

Postimi shoqërohet me një informacion ku thuhet se autoritetet shqiptare punojnë në koordinim të vazhdueshëm me ato evropiane, të Amerikës së Jugut dhe Shtetet e Bashkuara në luftën kundër grupeve ndërkombëtare të trafikut të drogës, krimit të organizuar dhe pastrimit të parave.

“Agjencitë shqiptare të zbatimit të ligjit janë koordinuar me autoritetet në Evropë, Amerikën e Jugut dhe Shtetet e Bashkuara për të ndihmuar në çmontimin e grupeve ndërkombëtare të krimit të organizuar përgjegjës për trafikun e drogës dhe pastrimin e parave, por nevojiten përpjekje të vazhdueshme për të luftuar ndikimin e grupeve të krimit të organizuar”, thuhet në postimin e Ambasadës Amerikane në Tiranë.

LEXONI GJITHASHTU:

• Ambasada e SHBA reagon për Euronews Albania: Pse i pezulluam fondet e ndihmës
• Ambasadat e BE dhe SHBA dënojnë ashpër vendimet e Asamblesë së Republikës Sërpska