Ambasadori i Rusisë braktis mbledhjen e Këshillit të Sigurimit

Ambasadori i Rusisë në Kombet e Bashkuara, Vassily Nebenzia u largua nga mbledhja e së hënës në Këshillin e Sigurimit, pasi presidenti i Këshillit Evropian Charles Michel akuzoi Moskës se me pushtimin e Ukrainës po shkakton një krizë globale të ushqimit.

“Rusia është e vetmja përgjegjëse për këtë krizë ushqimore, duke përfshirë fushatën e gënjeshtrave dhe dezinformatave të Kremlinit. E kam parë me sytë e mi disa javë më parë në Odesa. Miliona tonë drithë dhe grurë të bllokuar në kontejnerë dhe anije për shkak të anijeve luftarake ruse në Detin e Zi dhe për shkak të sulmit të Rusisë në infrastrukturën e transportit. Ju mund të largoheni nga mbledhja. Ndoshta është më e lehtë të mos dëgjosh të vërtetën, i dashur ambasador”, u shpreh Charles Michel, president i Këshillit Evropian.

Nebenzia u largua gjatë konferencës së Michel, duke i dhënë vendin një diplomati tjetër.

Ukraina dhe Rusia prodhojnë pothuajse një të tretën e grurit dhe elbit në botë dhe gjysmën e vajit të lulediellit.

Guterres paralajmëroi muajin e kaluar se nivelet globale të urisë “janë në një nivel të ri”, ku gjithnjë e më shumë njerëz po përballen me pasigurinë ushqimore

Ambasadori i Ukrainës në OKB i tha Këshillit të Sigurimit se vendi mbetet i përkushtuar për të gjetur zgjidhje për të parandaluar krizën globale të ushqimit dhe është i gatshëm të krijojë “kushtet e nevojshme” për të rifilluar eksportet nga porti kyç jugor i Odesës.

LEXONI GJITHASHTU:

• ‘I urrej, do bëj gjithçka për t’i zhdukur”, deklarata e ish-presidentit rus
• Rusia vendos sanksione ndaj 61 zyrtarëve të SHBA-së