Amnesty International: Lituania dhunon dhe abuzon me refugjatët

Autoritetet lituaneze, pas arrestimit, kanë strehuar në mënyrë arbitrare mijëra emigrantë në qendra të ngjashme me burgun, ku ata i janë nënshtruar rrahjeve, abuzimeve dhe racizmit, sipas Amnesty International.

Nëpërmjet një raporti për të drejtat e njeriut, Amnesty International thotë se refugjatët dhe emigrantët janë mbajtur për muaj të tërë në kushte të mjerueshme, ku u është mohuar aksesi në procedurat e drejta të azilit.

Amnesty International akuzon Bashkimin Evropian për faljen e heshtur të sjelljes së Lituanisë, për të cilën thotë se shkel ligjin ndërkombëtar.

Grupi intervistoi qindra njerëz për të cilët thotë se u arrestuan në mënyrë të paligjshme pasi udhëtuan nga vende si Kameruni, Republika Demokratike e Kongos, Iraku, Nigeria, Siria dhe Sri Lanka.

Këta të fundit treguan situatën në të cilën ndodhen, pas strehimit në qendrat lituaneze.

LEXONI GJITHASHTU:

• Zv.kancelari gjerman: Mungesa e gazit mund të shkaktojë krizë ekonomike
• Apeli i Zelenskit në Samitin e G7: Lufta të marrë fund para nisjes së dimrit