Anëtarësimi në BE i Shqipërisë dhe RMV, Gjermania informon për procesin negociues

Ministri gjerman për çështjet Evropiane, Mikael Roth në nisje të takimit virtual me ministrat e çështjeve evropiane e vuri theksin tek sundimi i ligjit që shumë shtete evropiane duhet të ndjekin. 

Duke u ndalur tek pandemia COVID19 Roth theksoi se ekonomia dhe situata e krijuar është në krye të agjendës së bisedimeve.

Roth kërkoi që shtetet e unionit të bashkëveprojnë me solidaritet në mënyrë që fondet të shpërndahen për të gjitha vendet.

Kujtojmë se Polonia dhe Hungaria një ditë më parë bllokuan paketën e rimëkëmbjes së BE pas kritikave për sundimin e ligjit.

Ndërkaq, ministri gjerman për Evropën, Michael Roth do të informojë lidhur me procesin e negociatave për anëtarësimin në BE, të Shqipërisë dhe Maqedonisë së Veriut.

Qëllimi i presidencës gjermane, – thuhet në agjendën e takimit, – është që kuadri negociues dhe rregullimet e brendshme të miratohen në kohë, në mënyrë që të dyja vendet të zhvillojnë konferencën e parë ndërqeveritare në vitin 2020, e nëse plotësohen kushtet, ky është hapi që nis zyrtarisht procedurën e anëtarësimit.