Apeli i Merkel për BE-në: Marrëveshje buxhetore për efektet e COVID

Kancelarja gjermane Angela Merkel i bëri thirrje të enjten Bashkimit Evropian që të arrijë sa më shpejt një marrëveshje buxhetore disavjeçare për të ndihmuar bllokun që t’i mbijetojë dëmeve ekonomike të shkaktuara nga pandemia e COVID-19.

Merkel tha se çdo marrrëveshje ka pak gjasa të arrihet gjatë samitit të liderëve të BE-së që mbahet të premten në video-konferencë, por më tepër në një takim fizik që mbahet më vonë gjatë vitit.

“Të dhënat aktuale tregojnë tkurrjen dramatike të ekonomisë së Evropës, ndaj ne duhet të veprojmë me shpejtësi dhe menjëherë. Do ta ngre çështjen në Këshillin Evropian në mënyrë që të marrim një vendim për një marrëveshje financiare disavjeçare, si dhe për një fond rikuperimi sa më shpejt të jetë e mundur”, deklaroi Merkel.

Kancelarja e quajti pandeminë dhe pasojat financiare të lidhura me të sfidën më të madhe në historinë e Evropës dhe tha se kontinenti i vjetër duhet të bëjë më shumë në nivel global.