Arkivoli me trupin e mbretëreshës Elizabeth-a e Dytë u nis të dielën për udhëtimin 6-orësh nga lokaliteti Balmoral, ku ajo ndërroi jetë, për në Edinburg.

Autokolona do të përshkojë mbi 175 milje dhe do të kalojë në lokalitete me të cilat monarkja kishte shumë lidhje, ose kishin për të një domethënie simbolike, për shkak të asaj që ka bërë për t’i dhënë formë Skocisë moderne.

Bëhet fjalë për qytete dhe fshatra si Aberden dhe Dandi, ku ajo ka hapur spitale, ka përuruar biznese dhe është takuar me studentë dhe simpatizantë. Persona të shumtë janë vendosur përgjatë itinerarit për t’i dhënë asaj lamturmirën.

Në përfundim të rrugëtimit, arkivoli mbretëror do të ndalet në Rezidencën Mbretërore që ndodhet përballë Parlamentit skocez.

Ditën e martë ai do të mbërrijë në Londër dhe do të qëndrojë në Uestminster Holl, ndërkohë që ceremonia mortore do të mbahet në Uestminster Abej, të hënën më 19 shtator, kur dhe do të përcillet për në banesën e fundit.

LEXONI GJITHASHTU

• Britanikët skeptikë për mbretin Charles III: Duhet kohë për të parë arritjet e tij
• Mbreti Charles miraton urdhrin: Dita e funeralit të Elizabeth do jetë pushim
• Letra sekrete e mbretëreshës qëndron e fshehur në kasafortë, do hapet pas 63 vitesh