Arrestohet 21-vjeçari që vrau 8 persona në qendrat estetike në Atlanta, SHBA

8 persona u vranë pas te shtënave me armë zjarri që ndodhën të martën në mbrëmje në Atlanta, SHBA.

Policia deklarojë se 21-vjeçari u arrestua pas një kërkimi intensiv nga organet e rendit, që zgjati për orë me rradhë.

Shumë nga viktimat ishin gra aziatike, thanë autoritetet.

Gjithçka fillojë rreth orës 17:00 pasdite, kur 5 njerëz u sulmuan me armë tek qendra e masazhit Youngs Asian, në një qendër komerciale pranë zonës rurale të Acworth, rreth 50 km në veri të Atlant-ës.

Dy persona pësuan vdekjen në vendngjarje dhe 3 të tjerë u transportuan për në spital, ku dy prej të cilëve nuk ja dolën dot.

Rreth orës 17:50 policia gjeti rastësisht tre gra të tjera të vdekura pranë qendrës Gold Spa, pasi po i përgjigjej një telefonate për grabitje.

Ndërkohë që ishin në vendngjarje, ata mësuan për një tjetër telefonatë për të shtëna me armë, pranë një tjetër qendre estetike, Aromatherapy Spa dhe aty u gjet një grua e cila kishte pësuar vdekjen brenda biznesit të saj, si pasojë e të shtënave me armë zjarri.

Këto vrasje erdhën menjëherë pas një vale sulmesh kundra Aziatiko-Amerikanëve që përkojnë me përhapjen e coronavirusit në SHBA.