Arrestohet numri 2 i Agimit të Artë, Pappas u arratis pas dënimit me 13 vjet burg

Christos Pappas, i cili ishte instruktor i dytë ideologjik në komandën e ish-partisë neo-naziste Agimi i Artë, u arrestua një ditë më parë në lagjen ‘Zografos’ të Athinës.

Pappas, i cili ishte dënuar me 13 vjet burg së bashku me udhëheqës të tjerë për krijimin e një organizate kriminale, ishte zhdukur pas vendimit.

Sipas informacioneve zyrtare, arrestimi i 59-vjeçarit erdhi pas një kontrolli të ekipit kundër terrorizmit në një apartament. Ai u transferua në selinë e policisë së Atikës, ku do të qëndrojë në paraburgim.

Në muajt në vijim ai do të paraqitet pranë Prokurorit të Përgjithshëm.

Rreth 50 ish-ligjvënës të Agimit të Artë dhe zyrtarë të lartë të partisë u dënuan në fund të një gjyqi maratonë që zgjati pesë vite e gjysmë. Ata ishin ndjekur penalisht për ndërtimin e një organizate kriminale, vrasje dhe armëmbajtje pa leje.

Gjyqi dhe dënimet ndaj zyrtarëve të Agimit të Artë u përshkruan si një nga ngjarjet më domethënëse në historinë politike greke.

LEXONI GJITHASHTU:

• Greqi, gjykata e shpall ‘Agimin e Artë’ organizatë kriminale
• Luan Zyka tregon për Euronews Albania si “Agimi i Artë” sulmoi shqiptarët në Greqi