Arrestohet për korrupsion kryeprokurori i Moldavisë

Prokurori i përgjithshëm i Moldavisë është shkarkuar nga detyra dhe më pas arrestuar, në kuadër të një hetimi për korrupsion në dëm të tij.

Kryeprokurori Alexandru Stoianoglo u mor nga policia në një qendër paraburgimi në kryeqytetin Chisinau, pasi një grup agjentësh të shërbimeve sekrete kontrolloi zyrën dhe shtëpinë e tij.

Hetuesit moldavë deklaruan se Stoianoglo akuzohej për abuzim me anë të detyrës, tejkalim të kompetencave zyrtare, korrupsion dhe deklarata të rreme.

Presidentja e vendit, Maia Sandu e përshëndeti lëvizjen, duke deklaruar se çdo qytetar duhet të përgjigjet përpara ligjit për çdo krim të kryer, pavarësisht pozicionit.

“Si presidente e vendit, unë dua atë që duan qytetarët: respektim të rreptë të ligjit, jo abuzime dhe ndëshkim të kujtdo që kryen shkelje”, tha Sandu në një postim në profilin e saj në Facebook.

Disa orë pas arrestimit, kryetarja e shtetit nënshkroi një dekret që caktonte Dumitru Robu, një ish-prokuror i Antikorrupsionit, si zëvendësues të Stoianoglo.

Sanadu erdhi në pushtet në zgjedhjet e nëntorit 2020 duke mundur liderin pro-rus Dodon dhe duke premtuar një paketë reformash për të luftuar korrupsionin dhe për të afruar Moldavinë me Perëndimin.