Arrihet marrëveshja që lidh fondet e BE me shkeljet e shteteve mbi sundimin e ligjit  

Është firmosur marrëveshja e cila i jep Brukselit dritën e gjelbër për të ndërprerë fondet vendeve anëtare që kanë probleme me shtetin e së drejtës.

Liderët europianë kanë rënë dakord për buxhetin prej 1.8 trilionë eurosh dhe paketën e rimëkëmbjes së coronavirusit pas një samiti maratonë që u mbajt në verë.

Megjithatë, marrëveshja duhet të miratohet nga eurodeputetët të cilët kanë qenë këmbëngulës në pikën e lidhjes me shtetin e së drejtës – parim i cili përfshin vlerat demokratike, të drejtat e njeriut dhe pavarësinë e gjyqësorit – me fondet e BE-së drejt vendeve anëtare.

Tashmë negociatorët e Parlamentit Europian dhe Këshilli i BE-së – i cili përfaqëson krerët e shteteve të vendeve anëtare – kanë arritur në marrëveshje.

Mekanizmat e reja do të lejonin penalizimin e një shteti nëse kjo miratohet nga shumica e vendeve anëtare.

Kjo do të thotë që vende si Polonia dhe Hungaria, të cilat kanë pasur përplasje me BE gjatë viteve të fundit, mund t’iu ndërpriten fondet pa pasur mundësinë e vetos.

Marrëveshja ka nevojë për miratimin përfundimtar të Parlamentit Europian dhe të Këshillit dhe është pjesë e negociatave të gjëra për buxhetin prej 1.8 trilionësh për rimëkëmbjen ekonomike nga COVID-19.

Ministrja e Drejtësisë së Hungarisë, Judit Varga, tha në Facebook se “është e papranueshme që pavarësisht ë dhe sfidave serioze që po përballet ekonomia europiane, Parlamenti Europian këmbëngul me politikat dhe ideologjitë për të shantazhuar Hungarinë”.

Lexoni gjithashtu: 

• Rimëkëmbja ekonomike në Kinë, kërkesa konsumatore rrit shpresën e Europës në luftën me COVID-19
• BE, përpjekje për rimëkëmbje pavarësisht valës së dytë të COVID