Atentat konsullit francez, shpërthim gjatë një ceremonie përkujtimore në Arabinë Saudite

Disa persona mbetën të plagosur nga një shpërthim i ndodhur në Xhedah të Arabisë Saudite.

Episodi u verifikua gjatë një ceremonie përkujtimore për Ditën e Armëpushimit të Luftës së Parë Botërore.

Përfaqësues të vendeve të ndryshme ishin të pranishëm në varrezat jomyslimane te qytetit.

Ky është atentati i dytë që ndodh në javët e fundit, pas plagosjes së një roje sigurie në konsullatën franceze, më 29 tetor.

Në një deklaratë të përbashkët, Ministria e Jashtme franceze dhe ambasada të tjera e cilësuan sulmin një “akt burracak”.

Diplomatë nga Greqia, Italia, Britania dhe Amerika ishin të pranishëm.

Të plagosurit janë një oficer saudit i sigurisë dhe një shtetas grek.