Autoritetet amerikane vlerësojnë tejet efektive vaksinën anti-COVID të Modernës

Autoritetet amerikane të shëndetësisë kanë vlerësuar si tejet efikase vaksinën anti-Covid të zhvilluar nga kompania Moderna duke i hapur rrugë mundësisë së licencimit për përdorim në rastet emergjente.

Agjencia amerikane e Barnave dhe Ushqimeve (FDA) vlerësoi të martën se vaksina e zhvilluar nga kompania Moderna është 94% efektive dhe se “nuk paraqet shqetësime specifike rreth sigurisë”.

Vlerësimi vjen një ditë pasi në të gjitha shtetet e SHBA-së nisi shpërndarja e vaksinës së Pfizer-BioNTech.

Ndryshe nga vaksina e Pfizer, ajo e Modernës nuk ka nevojë të ruhet në impiante super të ftohta gjatë transportit.

Vlerësimi i publikuar nga FDA-ja vjen dy ditë para vendimit përfundimtar që do të jepet të enjten.

SHBA-ja është një nga shtetet më të prekura nga pandemia e COIVD-19. Sipas Universiteti John Hopkins numri i rasteve ka shkuar në mbi 16.5 milionë ndërsa i të vdekurve ka kapërcyer në mbi 300 mijë.

Lexoni gjithashtu:

Kur vjen vaksina kundër Covid-19 në Ballkan? Kryezëdhënësi i KE-së i përgjigjet interesimit të Euronews Albania

Nis shpërndarja e vaksinës anti-COVID në SHBA, dorëzohet në kushte strikte në shtetet amerikane