Autoritetet gjermane arrestojnë asistentin rus të kërkimeve shkencore, akuzohet për spiunazh

Prokurorët gjermanë kanë ngritur akuza ndaj një asistenti rus të kërkimeve shkencore, pasi dyshohet se është spiun.

I dyshuari Ilnur N., u arrestua të premten dhe akuzohet për kalimin e informacionit në inteligjencën ruse, thanë prokurorët.

Sipas prokurorëve, ai akuzohet se është takuar të paktën tre herë me një anëtar të inteligjencës ruse midis tetorit të vitit të kaluar dhe këtij muaji.

Ndërkohë, gjykata gjermane ka marrë vendimin që burri të mbahet në paraburgim.

Sakaq, janë kryer kontrolle edhe në shtëpinë dhe vendin  e punës së të dyshuarit, që është një universitet në Gjermani.

Rusia nuk i është përgjigjur ende incidentit, por marrëdhëniet midis Berlinit dhe Moskës kanë qenë të tensionuara gjatë viteve të fundit.

LEXONI GJITHASHTU:

• Gjermania nis hetimet kundër Apple për mungesë besueshmërie ndaj iPhone iOS
• Gjermania heq kufizimet për udhëtarët nga Shqipëria, por me një kusht
• Rusia, Kina, terrorizmi çështjet kryesore të Samitit të NATO-s ku merr pjesë edhe Biden