Balotazhi në Georgia, Trump e Biden shfaqen sërish në fushatë

Vijon përballja mes presidentit në largim Donald Trump dhe presidentit të zgjedhur Joe Biden.

Të dy personalitetet mbajtën tubime në Georgia, ku zhvillohet gara e balotazhit  që do të përcaktojë nëse republikanët apo demokratët do të kenë kontrollin e Senatit në Shtetet e Bashkuara.

Në zgjedhjet e 3 nëntorit asnjë nga senatorët nuk arriti të sigurojë shumicën e për këtë arsye duhej të rivotohej.

Rezultati do të ndikojë në mënyrë dramatike tek funksionimi i legjislativit në gjysmën e parë të mandatit katër-vjeçar të Biden në Shtëpinë e Bardhë.

Nëse republikanët fitojnë ata do të mbajnë një shumicë të pakët dhe mund të bllokojnë qëllimet legjislative të Bidenit dhe të emëruarit në gjyqësor.

Në një tubim në Atlanta, Biden tha se votuesit në Georgia “do të përcaktojnë drejtimin, jo vetëm për katër vitet e ardhshme, por për brezin e ardhshëm”.

Ndërsa presidenti Trump vijoi të këmbëngulë se ka fituar shtetin e Georgias dhe se zgjedhjet e nëntorit ishin të manipuluara.

Lexoni gjithashtu:

‘Gjeni vota në Georgia’, presidenti Trump presion zyrtarit të lartë për të ndryshuar rezultatin e zgjedhjeve