Bandat në Haiti rrëmbejnë 17 misionarë amerikanë, sipas organizatës fetare

17 misionarë amerikanë, përfshirë fëmijë, u rrëmbyen nga një bandë në Haiti të Ishujve Karaibe, të shtunën, sipas një mesazhi zanor që u është dërguar disa organizatave fetare, nga një organizatë tjetër fetare që pretendon të ketë informacione direkte mbi incidentin.

Misionarët po ktheheshin për në shtëpi, pasi kishin shkuar për të ndihmuar në ndërtimin e një jetimoreje, sipas një mesazhi dërguar nga Ministritë e Ndihmës së Krishterë me bazë në Ohajo.

“Ky është një alarm i veçantë për lutje,” thuhej në mesazhin një minutësh.

Në mesazh thuhet se drejtori në terren i misionit po punon me Ambasadën Amerikane për të zbardhur ngjarjen.

Një zëdhënës i qeverisë amerikane tha se SHBA ishte në dijeni të raportimeve për rrëmbimin.

“Mirëqenia dhe siguria e qytetarëve amerikanë jashtë vendit është një nga përparësitë më të larta të Departamentit të Shtetit,” tha zëdhënësi, duke mos pranuar të komentojë më tej.

Rrëmbimet nga bandat në Haiti po shtohen sërish, pasi ishin pakësuar për shkak se presidenti Jovenel Moïse u qëllua për vdekje në rezidencën e tij private më 7 korrik dhe pas një tërmeti me magnitudë 7.2 që goditi Haitin jugperëndimor në gusht, duke vrarë më shumë se 2,200 njerëz.

LEXONI GJITHASHTU:

• Biden: E turpshme dhuna ndaj haitianëve, kush e bëri do paguajë
• Dyndje emigrantësh nga Haiti drejt SHBA-së për t’i shpëtuar varfërisë