Shefi i Bankës Qendrore Evropiane, Philip Lane, deklaroi këtë të mërkurë se pritet rënie e shpejtë e inflacionit të lartë në Eurozonë.
Lane deklaroi se aktualisht Eurozona mund të jetë në fazën më intensive të inflacionit, por që së shpejti kjo do të bjerë.
“Çmimet e ushqimit janë ende shumë të larta dhe kjo është ajo me të cilën përballen njerëzit kur shkojnë në dyqan”.
- Advertisement -
Por, sipas tij, nëse analizohen çmimet paraprake për përbërësit ushqimorë, “vërehet ndryshimi”.
“Ka përmirësim, që do të jetë gradual në pranverë dhe verë, por më i fuqishëm do të jetë në vjeshtë”, ka thënë mes tjerash ai.
Por, për të siguruar shkallë të inflacionit në 2 për qind, Lane ka thënë se do të duhet të ketë sërish rritje të normës së interesit për hua, shkruan Rel.