Batuta e Mbretit Charls III në darkën e shtruar nga Trump: Mos të ishim ne do flisnit frëngjisht

Ka pasur edhe më shumë humor nga Mbreti Charles III gjatë vizitës së tij në Uashington, ku në fjalimin e mbajtur në darkën shtetërore të organizuar nga Donald Trump, ai e ngacmoi Presidentin amerikan me një batutë mbi të kaluarën koloniale të SHBA-së.

“Në të vërtetë, ju komentuat së fundmi, zoti President, se nëse nuk do të ishin Shtetet e Bashkuara, vendet evropiane do të flisnin gjermanisht,” u shpreh Mbreti.

“Guxoj të them se, po të mos ishim ne, ju ndoshta do të flisnit frëngjisht…!” shtoi ai me humor.

Më pas ai e zbuti menjëherë tonin, duke theksuar se “natyrisht, të dy i duam shumë kushërinjtë tanë francezë”.