BE pritet të bashkëpunojë me fqinjët e Afganistanit për të menaxhuar krizën e refugjatëve

Bashkimi Evropian ka rënë dakord zyrtarisht të mbështetet në vendet fqinje me Afganistanin për të menaxhuar dhe pritur një valë të mundshme refugjatësh që ikin nga sundimi i talebanëve.

Ministrat nga 27 vendet e BE-së, në konsultim me përfaqësuesit e Komisionit Evropian, morën vendimin pasi u mblodhën në Bruksel për një takim personal të Këshillit të BE-së.

Deklarata përfundimtare e rënë dakord nga ministrat e bën të qartë qëllimin përfundimtar të bllokut: shmangien e përsëritjes së krizës së migrimit të vitit 2015 kur më shumë se 1 milion emigrantë mbërritën në kufijtë e jashtëm të bllokut.

Këtë herë, blloku synon të veprojë me shpejtësi dhe po harton plane për të forcuar bashkëpunimin me vendet jashtë BE-së për të parandaluar që emigrantët të arrijnë në kontinent.

BE ka caktuar 200 milionë euro ndihmë humanitare për krizën afgane.

Një raport i Financial Times sugjeron që BE-ja mund të miratojë një paketë prej 600 milionë eurosh për vende si Pakistani dhe për Uzbekistanin dhe Taxhikistanin, për t’i ndihmuar ata të marrin dhe strehojnë refugjatë.

Është e paqartë nëse ndonjë nga këto plane do të përfshijë Iranin, një vend i vendosur pikërisht midis Afganistanit dhe Turqisë. Irani aktualisht i nënshtrohet një sërë sanksionesh të BE -së.

LEXONI GJITHASHTU:

• Britania e Madhe në bisedime me talebanët për të vijuar evakuimet nga Afganistani
• Biden: Tërheqja nga Afganistani, vendimi më i mirë për SHBA
• Talebanët: Uashingtoni duhet të zgjidhte dialogun, jo arrogancën