BE, sanksione të reja ndaj Rusisë që përfshijnë një kufi të çmimit të naftës ruse 

Bashkimi Evropian ka miratuar sanksione të reja kundër Rusisë, duke përfshirë një kufi çmimi për tregtinë detare të naftës ruse.

Ai vjen si përgjigje e drejtpërdrejtë ndaj aneksimit të paligjshëm të katër rajoneve të Ukrainës, shkruan Euronews.

Sanksionet e fundit, të miratuara të mërkurën në mëngjes nga ambasadorët e BE-së, paraqesin gjithashtu ndalimin e ri të eksporteve dhe importeve si dhe një dispozitë krejt të re, që do të pengonte shtetasit e BE-së të ulen në bordet drejtuese të kompanive shtetërore ruse.

Individë dhe subjekte të reja, të akuzuar për minimizimin e sovranitetit territorial të Ukrainës, po i shtohen listës së zezë të gjerë.

Lëndët djegëse fosile janë burimi kryesor i të ardhurave të Rusisë dhe përbëjnë 45% të buxhetit federal të vendit.

Sipas bankës qendrore të Rusisë, në vitin 2021 shitjet e naftës së papërpunuar ruse arritën në 110.2 miliardë dollarë, ndërsa produktet e rafinuara të naftës, si nafta dhe benzina arritën 68.7 miliardë dollarë.

Vendet perëndimore duan të ulin këto të ardhura të mëdha, të cilat ata kanë frikë se po përdoren për pushtimin e kushtueshëm të Ukrainës.

LEXONI GJITHASHTU:

• Rusia drejt aneksimit të territoreve ukrainase, Perëndimi paralajmëron sanksione
• BE sanksione të tjera Rusisë, bën gati paketën e tetë të masave