”BE s’ka nevojë për Sputnik V”, Thierry Breton: Arrijmë imunizimin deri më 14 korrik. Kompania ruse: Po paragjykohemi

Bashkimi Evropian nuk ka nevojë për vaksinën ruse Sputnik V  dhe mund të arrijë imunizimin e popullsisë  duke përdorur produktet evropiane u shpreh Komisioneri i Bashkimit Evropiane për Tregtinë e Brendshme Thierry Breton.

“Ne nuk kemi absolutisht nevojë për Sputnik V. Sot, ne kemi kapacitetin për të dhënë 300 deri në 350 milion doza deri në fund të Qershorit dhe për këtë arsye deri në 14 Korrik … ne kemi mundësinë  të arrijmë imunitetit në të gjithë kontinentin,” – tha për televizionin francez Komisioneri Breton, i cili kryeson task-forcën ekzekutive të unionit  për vaksinat.

Në një seri postimesh në Tëitter, prodhuesi i vaksinave Sputnik V akuzoi Breton për “paragjykim’.

“Evropianët duan  të kenë një zgjedhje të vaksinave të sigurta dhe efikase, të cilat deri më tani nuk keni arritur t’i siguroni,” – u shpreh kompania ruse në një reagim.

Duke u përballur me mungesa nga vaksinat e aprovuara nga Agjencia Evropiane e Barnave disa vende të BE kanë në plan të përdorin apo edhe të prodhojnë vaksinën “Sputnik V”.

EMA ende nuk ka dhënë një përgjigje përfundimtare për miratimin e vaksinës ruse.