Trazirat në Kongres, reagojnë Biden dhe Trump

Presidenti i zgjedhur Joe Biden i ka bërë thirrje presidentit në ikje Donald Trump që të dalë publikisht dhe të dënojë dhunën e ushtruar nga mbështetësit e tij.

“Fjalët e një presidenti janë me peshë, sado i keq apo i mirë qoftë ky i fundit. Në rastin më të mirë, fjalët e një presidenti mund të sjellin frymëzim, ndërsa në rastin më të keq ato mund të nxisin dhunë. Ndaj, i bëj thirrje presidentit Trump që të dalë në shfaqet në televizionin kombëtar dhe të përmbushë betimin e tij në mbrojtje të Kushtetutës dhe të kërkojë që të marrë fund uzurpimi”, tha Biden teksa i drejtohej qytetarëve amerikanë. 

I call on President Trump to go on national television now to fulfill his oath and defend the Constitution by demanding an end to this siege.

— Joe Biden (@JoeBiden) January 6, 2021

Pak më parë, Presidenti Donald Trump u kërkoi mbështetësve të tij të cilët mësynë Kongresin të tërhiqen paqësisht.

Përmes një video-postimi në Twitter ku Trump mbajti sërish qëndrimin se zgjedhjet u manipuluan ai u tha mbështetësve se e ndjente zemëratën e tyre dhe “padrejtësinë”, por që ata duhet t’i shmangen situatave të dhunës dhe të tërhiqen paqësisht.

“E di dhimbjen tuaj. E di se jeni lënduar përballë manipulimeve dhe zgjedhjeve të vjedhura. Të gjithë e dinë këtë, sidomos ata të palës tjetër, por ju duhet të shkoni në shtëpi tashmë,” – tha Trump, i cili më pas përdori sërish një slogan të fushatës së tij elektorale që “duhet të kemi paqe, ligj dhe rend”.

“Këto ishin zgjedhje hileqare por ne nuk mund të sillemi si ata, duhet të kemi qetësi,” – shtoi më tej Trump.

Në zgjedhjet presidenciale të 3 nëntorit 2020, Joe Biden fitoi 306 nga 270 delegatë të mundshëm të Kolegjit Zgjedhor për të siguruar mandatin. Nga ana tjetër Donald Trump fitoi vetëm 232 delegatë.

Në votë popullore Biden mori rreth 7 milionë vota më shumë se sa Trump, ndërkohë që ky i fundit pretendoi se në disa shtete të pretenduara nga republikanët rezultati u manipulua. Për këtë republikanët nisën dhjetëra padi gjyqësore të cilat u rrëzuan nga gjykatat.

Lexoni gjithashtu:

• Mësymja e Kongresit, Borrell: Demokracia amerikane në rrethim, respektoni 3 nëntorin
• Mësymja e Kongresit, gazetarja e VOA: Uashingtoni ka shpallur gjendjen e shtetrrethimit
• Protestuesit mësyjnë godinën e Kongresit në prag të mandatimit të Biden si president