Biden-Xi Jinping: Të rihapen komunikimet ushtarake mes forcave amerikane e kineze

Presidenti amerikan Joe Biden tha se rivendosja e komunikimeve ushtarake-ushtarake mes forcave amerikane dhe atyre kineze do të ndihmonte në parandalimin e aksidenteve që mund të çojnë në konflikte më të gjera.

Sipas mediave të huaja, linjat e drejtpërdrejta të komunikimit midis forcave ushtarake amerikane dhe kineze do të rihapen për herë të parë pas më shumë se një viti, ka njoftuar Joe Biden.

Duke folur pas një takimi me presidentin e Kinës Xi Jinping në Kaliforni, Biden tha se rivendosja e komunikimeve ushtarake mes dy do të ndihmonte në parandalimin e incidenteve.

Pekini pezulloi zyrtarisht kontaktet e drejtpërdrejta ushtarake me SHBA-në në prill 2022 pas vizitës së kryetares së atëhershme të Dhomës së Përfaqësuesve Nancy Pelosi në ishullin e Tajvanit, të cilin Kina e sheh si një provincë separatiste.

Lëvizja për t’i rifilluar ato ishte një nga tre marrëveshjet që Presidenti Biden paraqiti në media pas bisedave ballë për ballë me Presidentin Xi të mërkurën, takimi i tyre i parë në një vit.

Zoti Biden tha se kishin rënë dakord për një marrëveshje për të frenuar prodhimin e fentanilit, një ilaç që ka çuar në një rritje të madhe të vdekjeve në qytetet amerikane dhe për nevojën për të diskutuar mbi rreziqet e mundshme të inteligjencës artificiale (AI).

LEXONI GJITHASHTU:

• Kurti takim me Kearnsin: Serbia duhet të ndëshkohet për sulmin në Banjskë
• Pallati i Versajës evakuohet pas kërcënimit me bombë, alarmi i shtatë në tetë ditë