‘Bisedimet me Ukrainën s’do jenë të qeta’, Xi-Putinit: Do mbajmë qëndrim objektiv

Presidenti i Kinës, Xi Jinping i tha homologut rus, Vladimir Putin të premten se rruga drejt bisedimeve të paqes për Ukrainën nuk do të jetë e qetë.

Ai ka theksuar se Kina do të vazhdojë të mbajë “qëndrimin objektiv dhe të drejtë” për këtë çështje, shkruan Reuters.

Xi u shpreh se Pekini dhe Moska duhet të koordinojnë dhe bashkëpunojnë ngushtë në çështjet ndërkombëtare dhe nënvizoi gatishmërinë e Rusisë për t’u përfshirë në negociatat me Ukrainën.

Kreu i Kremlinit ftoi homologun Xi të vizitojë Moskën vitin e ardhshëm. Nga ana e tij, lideri kinez foli për një epokë të re në raportet dypalëshe.

Rusia dhe Kina kanë ndërmarrë një seri stërvitjesh të përbashkëta detare, por Pekini nuk ka ofruar ndonjë mbështetje për luftën e Moskës në Ukrainë. Pekini ka vlerësuar disa nga retorikat anti-Perëndim të Putin, por ajo është e vetëdijshme se mund të preket nga sanksionet ndërkombëtare nëse mbështet pushtimin rus.

LEXONI GJITHASHTU

• Putin takon Xi Jinping: Të forcojmë partneritetin strategjik
• ‘Perëndimi planifikon të vrasë Putin’, parashikimet e Lavrov e Medvedev: BE do bjerë
• Zelensky paralajmëron ukrainasit: Të përgatiteni, do ketë shtim të sulmeve ajrore