Zelensky paralajmëron ukrainasit: Të përgatiteni, do ketë shtim të sulmeve ajrore

Presidenti Ukrainas Volodymyr Zelensky ka paralajmëruar ukrainasit që të përgatiten për një shtim të sulmeve raketore nga ana e forcave ruse.

Ai njoftoi gjithashtu se mbrojtja ajrore e vendit dhe të gjitha institucionet shtetërore po përgatiten për shtimin e këtyre sulmeve.

“Të gjithë duhet të përgatiten. Kushtoni vëmendje sirenave, ju lutem”, tha ai.

Teksa u ndal te zonat më të nxehta në frontin e luftës, Zelensky nënvizoi se dy qytetet në të cilat duhej të ishte përqendrimi maksimal janë Bahmuti dhe Kremina.

“Situata atje është e vështirë, e dhimbshme. Pushtuesit po përdorin të gjitha burimet që kanë në dispozicion për të avancuar”, tha ai.