Bjellorusi, dhjetëra mijëra në protestë tetë javë pas zgjedhjeve

Protestuesit janë mbledhur në qendër të Minskut për të dielën e tetë radhazi kundër presidentit bjellorus Alexander Lukashenko.

Policia ka ndërhyrë për të shpërndarë turmën e duke arrestuar disa protestues.

Nga pamjet e protestave duken dhjetëra mijëra qytetarë që marshojnë në rrugët e qytetit me flamuj në dorë dhe duke brohoritur slloganë kundër qeverisë.

Protestat anti-Lukashenko mbahen prej dy muajsh duke tërhequr deri në 200 mijë protestues.

Në ditët e para pas zgjedhjeve, policia ka përdorur gaz lotsjellës dhe shkop gome për të shpërndarë turmën.

Disa protestues kanë vdekur, shumë  të tjera janë plagosur e rreth 7 mijë janë arrestuar.

Lexoni gjithashtu:

Bisedime jo të lehta në Samitin e BE: A do të ketë sanksione ndaj Bjellorusisë e Turqisë?

Putin dënon presionin ndaj Bjellorusisë, teksa Macron takohet me Tsikhanouskaya

Bjellorusia paralajmëron se sanksionet OKB-së do të sjellin “kaos dhe anarki”