”Black Lives Matter” kthehet në film, ”ferri” i personave me ngjyrë rrëfehet në 28 minuta

Filmi me metrazh të shkurtër, “Dy të panjohur të largët”, portretizon brutalitetin policor në Amerikë, duke ilustruar mënyrat përmes të cilave personat me ngjyrë janë vrarë nga oficerët.

Reperi nju-jorkez Joey Badass do të luajë Carter James, një i ri me ngjyrë që do të kthehet në shtëpi tek qeni i tij pas një nate romantike, por sapo del jashtë ai përballet me një seri ngjarjesh fatkeqe që çojnë në vdekjen e tij.

Filmi 28-minutësh ka regjinë e Travon Free, fitues i çmimit Emmy, i cili thotë se ideja i erdhi nga karantina, kur kishte parë protestat e Black Lives Matter.

Filmi është në garë në edicionin e 93-të të Academy Awards, nominimet për të cilin do të shpallen më 15 mars.