Blinken kritik ndaj Kinës për COVID-19: Nuk u dha qasje në kohë reale ekspertëve ndërkombëtarë

Sekretari amerikan i Shtetit, Antony Blinken sulmoi Kinën për reagimin e saj të ngadaltë ndaj pandemisë së COVID-19.

“Ajo nuk bëri atë që duhej të bënte, që në kohë reale t’u jepte qasje ekspertëve ndërkombëtarë, të shkëmbente informacion, të ishte me të vërtetë transparente”, tha Antony Blinken, i cili shtoi se duhet të bëhet një hetim i mëtejshëm mbi origjinën e virusit në Wuhan të Kinës.

Sipas diplomatit amerikan, COVUD-19 tregoi se duhet të vendoset një sistem më i fortë global shëndetësor për t’u siguruar që kjo situatë të mos përsëritet.

Ish-Presidenti amerikan, Donald Trump po ashtu ka qenë kritik ndaj Kinës duke e akuzuar se ka fshehur informacione, madje duke e cilësuar COVID-19 si virusi kinez.