Blinken zhvillon bisedime në Bruksel mes tensioneve në rritje në kufirin me Ukrainën

Këtë të martë, sekretari i Shteteve të Bashkuara të Amerikës, Antony Blinken viziton Bruksel, ku do të zhvillojë takime me aleatët evropianë dhe të NATO-s, pas një grumbullimi të madh forcash ushtarake në kufijtë me Ukrainën dhe në Krime.

Departamenti i Shtetit thotë se të mërkurën Blinken do të takohet në kryeqytetin belg nga sekretari amerikan i mbrojtjes Lloyd Austin për konsultime shtesë.

Tensionet janë duke u zhvilluar në Ukrainën lindore javët e fundit, në një zonë ku ushtria ka qenë në konflikt me separatistët e mbështetur nga Rusia për shtatë vjet.

Sasi të mëdha të pajisjeve ushtarake ruse janë vendosur pranë kufirit.

Kjo pason një periudhë qetësie që kur një armëpushim hyri në fuqi në korrik të vitit 2020.

Ndërkohë ministrat e jashtëm të G7, si Kanadaja, Franca, Gjermania, Italia, Japonia, Mbretëria e Bashkuar dhe SHBA-ja deklaruan se ishin “thellësisht të shqetësuar” për vendosjen e ushtrisë në kufi dhe i kërkuan Rusisë të “pushojë provokimet e saj dhe të de-përshkallëzojë menjëherë tensionet”.

Afganistani dhe marrëveshja bërthamore e Iranit do të jenë gjithashtu në krye të axhendës së vizitës së Blinken.