Bora Zukali: Ka shumë shqiptarë në zonën ku ndodhi shpërthimi në Stamboll

Kryetari i Shoqatës “Vatra e shqiptarëve” në Stamboll, Bora Zukali tha se në zonën ku ndodhi shpërthimi në Stamboll ditën e djeshme, jetojnë shumë shqiptarë.

Në një intervistë për Euronews Albania, ai u shpreh se sheshi ‘Taksim’ është një nga vendet më të vizituara në Turqi.

“Zona ku ka ndodhur shpërthimi vizitohet nga e gjithë bota. Ka shumë shqiptarë që e vizitojnë. Aty është vend turistik dhe kulturor. Shqiptarët kur kanë ardhur nga Shqipëria kanë jetuar me shumicë në këtë zonë dhe alfabeti i Stambollit është firmosur”- tha ai.

Policia turke ka bërë një arrestim lidhur me shpërthimin e së dielës në qendër të Stambollit, që vrau të paktën 6 persona dhe plagosi mbi 80 të tjerë.

Shpërthimi ndodhi rreth orës 16 e 20, me orën lokale, në një rrugë të populluar në sheshin ‘Taksim’.

Shpërthimi u filmua nga kamerat dhe u nda në rrjetet sociale.

Ndërsa qendra e Stambollit është vënë në shënjestër nga separatistët kurdë dhe militantët islamikë në vitet e fundit, sulmi në fjalë nuk është marrë përsipër nga asnjë grup.

LEXONI GJITHASHTU: 

• Muajt e ardhshëm do jenë të vështirë për Ukrainën, paralajmëron Sekretari i NATO-s
• 22 të arrestuar pas shpërthimit në Stamboll, Turqia akuzon ekstremistët kurdë
• FOTO-LAJM| Qytetarët vendosin lule për viktimat e shpërthimit në Stamboll