Muajt e ardhshëm do jenë të vështirë për Ukrainën, paralajmëron Sekretari i NATO-s

Ukraina përballet me muaj të vështirë përpara dhe kapaciteti ushtarak i Rusisë nuk duhet të nënvlerësohet.

Kështu u shpreh Sekretari i Përgjithshëm i NATO-s, Jens Stoltenberg, këtë të hënë, shkruan Reuters.

Ai e vlerësoi “guximin e jashtëzakonshëm” të forcave të Ukrainës, të cilat rikthyen kontrollin mbi rajonin e Hersonit, dhe tha se mbështetja ndërkombëtare për Kievin duhet të vazhdojë.

“Muajt e ardhshëm do të jenë të vështirë. Qëllimi i presidentit rus, Vladimir Putin është ta lërë Ukrainën në të ftohtë dhe në terr këtë dimër”, tha Stoltenberg në një konferencë për media në Hagë.

Sipas tij, tërheqja e Moskës nga Khersoni dëshmon guximin e jashtëzakonshëm të forcave të armatosura të Ukrainës, por tregon edhe mbështetjen e vazhdueshme të NATO-s për Ukrainën.

Presidenti i Ukrainës, Volodymyr Zelensky deklaroi se hetuesit kanë zbuluar më shumë se 400 krime lufte në zonat e Khersonit, pas largimit të forcave ruse.

LEXONI GJITHASHTU

• Lufta në Ukrainë, amerikanët vendosin sanksione të reja ndaj rusëve
• Zelensky në Khersonin e çliruar: Tani jemi gati për paqen
• Zelensky: Ushtria ruse kreu qindra krime lufte në Kherson, do gjejmë çdo vrasës