Shtetet e Bashkuara kanë njoftuar se kanë vendosur sanksione të tjera ndaj Rusisë.

Sipas Departamentit të Thesarit të SHBA, sanksionet do të vendosen ndaj 14 personave, 28 subjekteve dhe 8 avionëve.

Janet Yellen, sekretarja e Thesarit e administratës së Joe Biden, tha më herët se sanksionet e reja do të vendosen ndaj një rrjeti transnacional njerëzish dhe kompanish që po furnizojnë Rusinë me teknologji ushtarake, duke e lejuar atë të vazhdojë luftën e saj nëntëmujore në Ukrainë.

“Sanksionet janë pjesë e përpjekjeve tona më të gjera për të penguar përpjekjet luftarake të Rusisë për t’i mohuar asaj pajisjet që i nevojiten nëpërmjet sanksioneve dhe kontrolleve të eksportit,” tha zonja Yellen.

Sekretarja amerikane e Thesarit Janet Yellen vlerësoi gjithashtu se përfundimi i konfliktit të armatosur në Ukrainë do të ishte mënyra më e mirë për të zbutur vështirësitë me të cilat përballet ekonomia botërore, një mesazh që Rusia pa dyshim e ka marrë, në prag të samitit të G20 në Indonezi.

LEXONI GJITHASHTU: 

• Arrestohen 3 shqiptarë në Francë, njëri menaxhonte rrjetin e drogës nga burgu
• Cili ka qenë grupi i parë terrorist në historinë e njerëzimit?
• Biden pas takimit me Xi Jinping: Nuk do të ketë ‘Luftë të re të Ftohtë’ me Kinën