Biden pas takimit me Xi Jinping: Nuk do të ketë ‘Luftë të re të Ftohtë’ me Kinën

Presidenti i SHBA, Joe Biden ka premtuar se nuk do të ketë “Luftë të re të Ftohtë” me Kinën, pas një takimi me presidentin kinez, Xi Jinping.

Ai tha gjithashtu se nuk besonte se Kina do të pushtonte Tajvanin, shkruan BBC.

Ky ishte takimi i parë midis dy liderëve që kur Biden mori detyrën e presidentit të SHBA-ve. Ata u takuan në Bali, një ditë përpara samitit të liderëve të G20 në ishullin indonezian.

Në një takim tre orësh të mbajtur në një hotel luksoz menjëherë pas mbërritjes së Xi, liderët diskutuan një gamë të gjerë temash, përfshirë Tajvanin.

I pretenduar nga Pekini, ishulli i vetëqeverisur konsideron SHBA-në si aleate dhe ka qenë gjithmonë një çështje e mprehtë në marrëdhëniet mes dy vendeve.

Tensionet u rritën në gusht kur kryetarja e Dhomës së Përfaqësuesve të SHBA, Nancy Pelosi vizitoi Tajvanin. Kina u përgjigj me stërvitje ushtarake në shkallë të gjerë rreth ishullit, duke shkaktuar frikën e një konflikti të mundshëm midis SHBA-së dhe Kinës.

LEXONI GJITHASHTU

• Biden shtrëngon duart me Xi për herë të parë si president i SHBA
• Biden: Linjat e komunikimit me Kinën do të mbeten të hapura
• Kina paralajmëron SHBA-të: Asnjë informacion Tajvanit për takimin Biden-Xi Jinping