Presidenti amerikan Joe Biden tha sot, në Samitin e Azisë Lindore në Phnom Penh, se linjat e komunikimit me Kinën do të mbeten të hapura, edhe pse dy vendet konkurrojnë, për të siguruar që ato të mos hyjnë në konflikt, njoftoi sot Shtëpia e Bardhë.

Biden është në Kamboxhia së bashku me liderë të tjerë botërorë për samitin e ASEAN-it të udhëhequr nga liderët e Azisë Juglindore, raportoi Reuters.

Biden do të takohet me Xi nesër për herë të parë që nga marrja e detyrës si president, me shqetësimet e SHBA për Tajvanin, luftën në Ukrainë dhe ambiciet bërthamore të Koresë së Veriut në krye të agjendës së tij.

Biden dhe Xi do të takohen në ishullin indonezian Bali përpara samitit vjetor të Grupit 20 (G20), i cili mbledh së bashku liderët e ekonomive më të mëdha të zhvilluara në botë.

Takimi i shumëpritur vjen pasi marrëdhëniet mes dy vendeve kanë rënë në nivelin më të ulët në dekada, sipas Reuters.

“E di që po bëhem më i fortë, por nuk kam nevojë për të. E njoh Xi Jinping, kam kaluar më shumë kohë me të se çdo lider tjetër botëror”, u tha Biden gazetarëve në Kamboxhia.

Ai theksoi se ka pasur gjithmonë biseda të sinqerta me presidentin kinez dhe se “asnjëherë nuk e gjykon keq se ku qëndron secili prej nesh”.

LEXONI GJITHASHTU:

• Rusia i ndalon hyrjen në vend motrës dhe vëllezërve të Biden
• ‘Reduktim i emetimeve brenda 2030-s’, Biden në Samitin e Klimës në Egjipt