Breshkat e “Darwin” në tregun e zi, 185 ekzemplarë do trafikoheshin nga kontrabandistët

Një grup prej 185 breshkash, në rrezik zhdukjeje, u zbuluan nga autoritetet ekuadioriane brenda një valixheje në aeroportin e Ishujve Galapagos.

Zvarranikët e vegjël, të cilët ishin rreth tre muajsh, u gjetën të mbështjellë me qese plastike në ishullin e Santa Cruz. Dhjetë prej tyre kishin ngordhur

Ministri i Ambientit në Ekuador, Marselo Mata e përshkroi incidentin si një krim ndaj faunës dhe trashëgimisë natyrore të vendit.

“Trafikimi i specieve në rrezik është tregtia e 4-t ilegale më fitimprurëse në botë, që gjeneron miliona euro. Në rastin e specieve në fjalë, ato do dërgoheshin në Aeroportin Guajakuil në Ekuador, ku do të trafikoheshin për qëllime përfitimi në tregjet aziatike,” – tha Jorge Rosillo, drejtor i Aeroportit Ekologjik të Galapagos.

Shume specie kafshësh dhe bimësh që ndodhen në ishujt Galapagos janë veçori unike e ishujve që ndodhen në Oqeanin Paqësor, rreth 1000 kilometra larg Ekuadorit.

Më parë kanë ekzistuar 15 specie të ndryshme breshkash në ishujt e arkipelagut, dhe tre prej tyre janë zhdukur. Dënimi për kontrabandë të specieve në rrezik në Galapagos është deri në 3 vite burgim.