Britani, Johnson prezanton paketën e re të masave kundër COVID-19

Kryeministri britanik, Boris Johnson deklaroi të hënën se nuk e bën nga kënaqësia vendosjen e masave të mëtejshme kundër coronavirusit, teksa prezantoi një sistem të përshkallëzuar në përpjekje për të standardizuar një paketë masash, shpesh herë të komplikuara dhe konfuze, me qëllim frenimin e përhapjes së epidemisë. 

Gjatë fjalës së tij në parlament, Johnson tha se qeveria duhet të veprojë për të shpëtuar jetë dhe shtoi se ai nuk e dëshiron një tjetër bllokadë.

“Nuk e bëj me dëshirë vendosjen e çfarëdo lloj mase ndaj bizneseve, shumë prej të cilave janë zgjatur në mënyrë që ato të rihapin dyert të sigurta. Nuk dua as të ndaloj njerëzit të argëtohen, por na duhet të veprojmë për të shpëtuar jetë”, është shprehur Johnson.

Masat e reja do të përfshijnë mbylljen e bareve dhe pabeve në zonat me rrezikshmëri të lartë duke filluar nga e mërkura e ardhshme. Edhe palestrat, qendrat e argëtimit, kazinotë dhe dyqanet e basteve do të mbyllin gjithashtu dyert.

Deri tani, rajoni Mersisajd, që ndodhet në veri-perëndim të Anglisë dhe që përfshin qytetin e Liverpulit, është e vetmja zonë me rrezikshmëri të lartë.

Lexoni gjithashtu: 

Kompania kineze, vaksina e COVID-19 gati në muajt e parë të 2021

Kina përgatitet për lojërat olimpike dimërore, pavarësisht pandemisë

Rihapen biznesnet në Hong Kong pasi testimi masiv rezulton me 42 të infektuar