Salah Abdeslam, i mbijetuari i vetëm i grupit të ashtuquajtur ekstremist të Shtetit Islamik, që organizoi dhe kreu sulmin në teatrin Bataclan në Paris më 2015, është dënuar përjetësisht me burg, pa të drejtën për të kërkuar lirim me kusht.

Për të ardhur në këtë vendim, gjyqit historik i janë dashur thuajse 10 muaj dëshmi dhe marrje në pyetje.

Në ditën e fundit të dëshmisë së tij, Abdeslam kërkoi falje dhe shprehu ngushëllimet e tij për viktimat.

“Historia e 13 nëntorit është shkruar me gjakun e viktimave. Është historia e tyre dhe unë kam qenë pjesë. Ata janë të lidhur me mua dhe unë jam i lidhur me ta”, – tha ai me zërin që i dridhej në Gjykatë.

Abdeslam tha në gjyq se ai kishte për qëllim të shpërthente një rrip vetëvrasës natën e sulmeve, por ndryshoi mendje.

I pyetur nga avokati i tij mbrojtës nëse është penduar që nuk ka zbatuar planin e tij, ai i tha gjykatës:  “Nuk jam penduar, nuk i kam vrarë ata njerëz dhe nuk kam vdekur”.

Sulmet me armë dhe bomba në 12 nëntor të 2015 i morën jetën 130 personave në kryeqytetin francez.

LEXONI GJITHASHTU:

• Gjyqi i sulmeve në Paris, i pandehuri u kërkon falje viktimave
• 6 vjet nga sulmet terroriste, Franca kujton 130 viktimat e atentateve që tronditën Parisin