Abort pa pëlqimin e prindërve për vajzat mbi 16 vjeç në Spanjë

Spanja ka miratuar një projekt-ligj që do të heqë kërkesën që vajzat 16 dhe 17-vjeçare të kenë pëlqimin prindëror përpara se të vendosin të ndërpresin shtatzëninë e tyre.

Projektligji i ri synon të reformojë një ligj të mëparshëm për abortin, të miratuar nga Partia Popullore konservatore në vitin 2015.

Projektligji përfshin gjithashtu pushimin mjekësor të paguar për gratë shtatzëna nga java e 39-të dhe garanton shpërndarjen e produkteve menstruale falas në institucionet publike si shkollat dhe qendrat shëndetësore.

Zëdhënësja e qeverisë Isabel Rodriguez tha se projektligji përfaqëson “një hap të ri përpara për demokracinë”.

Ministrja spanjolle për Barazinë Gjinore, Irene Montero tha se “Ne duhet të garantojmë se janë gratë ato që vendosin se çfarë ndodh me trupin e tyre”.

Spitalet publike, sipas projektligjit, duhet të kenë specialistë të gatshëm për të kryer një abort.

Në Spanjë, aborti vullnetar lejohet deri në javën e 14-të të shtatzënisë.

Projektligji duhet t’i nënshtrohet një debati publik përpara procedurës parlamentare për miratimin e tij.

LEXONI GJITHASHTU:

• Sërish protesta për abortin në SHBA

• Abortet në Shqipëri shënojnë rënie nga viti në vit