Çështja Navalny, Kremlini reagon pas akuzave: Nuk prodhojmë armë kimike

Vijojnë ende debatet me Rusinë ku Perëndimi dyshon se pas helmimit të opozitarit Alexei Navalny është pikërisht Kremlini.

Në deklaratën e fundit, zëdhënësi i Kremlinit Dmitry Peskov shprehet se Rusia nuk po prodhon asnjë armë kimike dhe është plotësisht në përputhje me detyrimet sipas Traktati Ndërkombëtar të Kontrollit të Armëve.

Peskov reagoi pasi Organizata për Ndalimin e Armëve Kimike tha se në mostrat e analizuara nga gjaku i kritikut të Kremlinit, Alexei Navalny, kishte përmbajtje të agjentit nervor Novichok i cili është i ndaluar.

Më herët Franca dhe Gjermania akuzuan Rusinë si përgjegjëse për helmimin e opozitarit Navalny duke paralajmëruar se do të kërkonin që të ndërmerreshin sanksione për atë çka e cilësojnë “krim” dhe “shkelje të normave ndërkombëtare”.

Lexoni gjithashtu: 

Aleksei Navalny: Putin më helmoi, nuk kam frikë të kthehem në Rusi

Rezolutë për Navalny. Parlamenti Evropian miraton draftin që kërkon hetim ndërkombëtar

Helmimi i liderit të opozitës ruse, laboratori gjerman gjen gjurmë të agjentit Novichok në shishen e ujit