Cilat shtete europiane po e fitojnë sfidën e vaksinimit?

Ekspertët janë të qartë: e vetmja mënyrë për të mundur COVID-19 është vaksinimi i sa më shumë personave. Me miratimin e disa vaksinave, Evropa ka nisur programin e saj të vaksinimit për të luftuar kundër sëmundjes që u ka marrë jetën miliona personave në të gjithë botën.

Por cili është shteti që ka përparuar më shumë me procesin e vaksinimit? Euronews ka mbledhur shifrat e fundit mes shteteve europiane për t’i përmbledhur në një grafik shpjegues.

Të dhënat janë grumbulluar nga burime zyrtare qeveritare dhe raportimet e mediave. Deri më tani nuk ka një autoritet qendror për përmbledhjen zyrtare të numrit të vaksinimeve, pasi jo të gjithë shtetet i kanë publikuar të dhënat e tyre në fazat e para. Gjithashtu, shifrat e mëposhtme mund të përfshijnë disa pasaktësi pasi shumë vende e raportojnë vaksinimin e personave në bazë të një doze, ndërsa të tjerë në vaksinimin e plotë prej dy dozash.