Cinecittà, qendër vaksinimi, Italia synon të përshpejtojë procesin, 4.5 milionë të injektuar

Italia po përpiqet të përshpejtojë procesin e vaksinimit me qëllimin që deri në muajt e verës të mund të imunizojë pjesën më të madhe të popullsisë.

Një qendër vaksinimi është hapur edhe në studiot e Cinecitta, një vend mitik për të gjithë dashamirësit e  kinemasë.

“Cinecittà nuk është vetëm një vend i rëndësishëm, një vend i lavdishëm për të kaluarën, por është gjithashtu një vend jashtëzakonisht i rëndësishëm për të tashmen, për të ardhmen e kinemasë italiane. Kjo është arsyeja pse është e rëndësishme që kjo qendër të jetë këtu. Duke e vizituar, ne pamë se ka njerëz që presin në panele, njerëz  që janë aty që posaçërisht të tregojnë tërë historinë e kinemasë italiane,” – u shpreh Dario Franceschini, ministër i Kulturës.

Ata që vaksinohen mund të rishohin nga afër foto të aktorëve më të famshëm italianë, apo të lexojnë edhe shprehjet e tyre ikonike. Ndoshta ndihen edhe më të çliruar mes botës së kinemasë.

Sipas të dhënave më të fundit, më shumë se 4.5 milionë njerëz kanë marrë të dyja dozat e vaksinave  ndërsa në total janë administruar 15.5 milionë vaksina.

LEXONI GJITHASHTU: 

• Holanda lehtëson masat, qeveria e kryeministrit Rutte dorëzohet përballë presioneve
• EMA jep verdiktin për vaksinën ‘J&J’: Përfitimet më të mëdha se rreziku