Çoçoli: Çmimi i energjisë elektrike në Shqipëri, më i subvencionuari në Evropë

Eksperti i ekonomisë, Fatos Çoçoli thotë se çmimi i energjisë elektrike në Shqipëri, është më i subvencionuari në Evropë.

Në një intervistë për “Euronews Albania”, Çoçoli u shpreh se Enti-Rregullatori nuk është shquar për kundërshti ndaj qeverisë, ndaj dhe nuk e refuzio propozimin për rritjen e çmimit të energjisë për fashën mbi 800 kwh.

“Ne jemi mësuar tashmë për fat të keq me Enti-Rregullatorin, jo vetëm për energjinë që nuk janë aq të pavarur. Nuk mund të prisnim ndonjë opozitë konstruktive nga ana e këtij enti.  Nuk e kemi parë shumë aktiv që nga tetori i kaluar kur u shpall kriza energjitike e vendit.

Nuk mendoj se për të ruajtur interesat e qytetarëve, kjo strukturë do të kishte marrë kurajon për të refezuar çmimin e propozuar nga ana e qeverisë. Çmimi ynë i energjisë elektrike është ndër më të subvencionuarit në Evropë, të paktën, por edhe në botë. Ndryshe nga çmimi i energjisë elektrike që sigurohet në tregjet ndërkombëtare, çmimi ynë është më i ulët”, theksoi ai.

LEXONI GJITHASHTU

• Njihuni me gruan që nuk paguan fatura energjie prej 10 vitesh
• Projektligji| Një operator i ri për energjinë
• Konfindustria kërkon që të rishikohet vendimi për kufirin e konsumit të energjisë