COVID thellon pabarazinë, bie kërkesa për profesionet bazë

Numri i vendeve të punës për profesione të kualifikuara, si shkencëtarët, mësuesit dhe doktorët u rrit në BE, ndërsa ai për profesione si pastrues dhe punëtorë u kontraktua ndjeshëm, duke dhënë provë se pandemia po kontribuon në zgjerimin e hendekut të pabarazisë.

Në tremujorin e tretë të 2020-s, numri i vendeve të punë të konsideruara elementare ra me thuajse 9 për qind krahasuar me vitin e kaluar, ndërsa ai i shërbimeve dhe shitjeve me 7%.

Ndërkohë, vendet e kualifikuara të punës u rritën me thuajse 5% krahasuar me të njëjtën periudhë të vitit të kaluar.

Vendet e kualifikuara përfshijnë një seri sektorësh si shkencën dhe inxhinierinë, shëndetësinë, mësimdhënien dhe teknologjinë e komunikimit dhe informacionit.

Ndërsa ato elementare përfshijnë performancën e detyrave rutinë që mund të kërkojnë punë me duar dhe përpjekje fizike, sqaroi Eurostat.

Shifrat mbështesin pikëpamjen se pavarësisht ndihmave të qeverisë, pandemia dhe kufizimet e saj po godasin punët më pak të paguara dhe rininë.

Punësimi tek të rinjtë u godit më shumë dhe ra me 2 pikë përqindje duke e çuar punësimin tek moshat nga 15 në 24 vjeç në kuotën 31.3% në tremujorin e tretë të 2020-s.

Në tërësi, 72.4% e qytetarëve të BE-së në moshë pune u punësuan në tremujorin e tretë, më pak se 73.1% që ishte në të njëjtën periudhë të vitit pasardhës.