Dalin fotot nga aksidenti që pësoi boksieri Anthony Joshua, si paraqitet gjendja e tij

Boksieri britanik Anthony Joshua ka mbetur i plagosur, ndërsa dy persona kanë humbur jetën në një aksident automobilistik të ndodhur në Nigeri.

Komanda e Policisë së Shtetit Ogun bëri të ditur se aksidenti ndodhi përgjatë autostradës Lagos–Ibadan, pak para stacionit të karburantit Danco, pranë kryqëzimit Sagamu, në verilindje të Lagosit. Sipas policisë, në aksident u përfshi një automjet tip Lexus SUV me të cilin udhëtonte Joshua.

Autoritetet konfirmuan se boksieri është dërguar në spital, ku po merr trajtim mjekësor. Fillimisht u raportua se ai ka pësuar lëndime të lehta dhe se gjendja e tij shëndetësore është e mirë.

Një i afërm i Anthony Joshuas, i cili kërkoi të mbetet anonim, tha se lajmi për aksidentin “ka ardhur si një tronditje për familjen”. Ai shprehu gjithashtu ngushëllime për viktimat, duke theksuar shpresën për shërim të shpejtë të boksierit dhe paqe për të ndjerët.

Sipas familjarëve, Joshua po udhëtonte nga Lagosi drejt familjes. Ata shtuan se ai zakonisht viziton vendin gjatë festave të Vitit të Ri dhe se pritej të mbërrinte në këto ditë.