Danimarka nis aplikimin e skemës së ”pasaportës COVID” brenda shtetit

Ditën e djeshme, Danimarka ka nisur një skemë “pasaporte COVID-19” që do të ndihmojë për të lejuar që bizneset jo-thelbësore të rihapen për klientët.

“Coronapas” është i disponueshëm përmes një aplikimi ose në format letre për njerëzit që janë vaksinuar plotësisht, që kanë dalë pozitiv për COVID-19 dy deri në 12 javë më parë ose negativ gjatë 72 orëve të fundit.

Aktualisht, kjo pasaportë lejon njerëzit të hyjnë në biznese të caktuara, duke përfshirë parukierë dhe autoshkollat, me synimin për të rihapur gradualisht ekonominë deri në fund të majit.

Pritet të rihapen nga 6 maji edhe restorantet, muzetë, teatrot dhe kinematë.

Vendi është planifikuar të rihapet plotësisht në 21 maj, kur qeveria vlerëson se do të ketë vaksinuar njerëz mbi moshën 50-vjeç.

Bizneset që lejojnë klientët të hyjnë pa një “coronapas” të vlefshme do të gjobiten 400 euro dhe deri në 6,000 ero për shkelje të përsëritur.

Ndërsa klientët do të gjobiten 330 euro, ka paralajmëruar Ministria e Drejtësisë.

Vaksinimet në vend janë ngadalësuar javët e fundit, pasi u pezullua përdorimi i injektimit  të AstraZeneca-s për shqetësimet në lidhje me ngjarje të rralla, si mpikja e gjakut.

Përdorimi i vaksinës mbetet i pezulluar në pritje të vlerësimeve të mëtejshme të efekteve anësore të saj.

Lexoni gjithashtu:

Universiteti i Oksfordit pezullon testimet e vaksinës AstraZeneca tek fëmijët

‘AstraZeneca’ dhe tromboza, EMA e pranon: Ekziston lidhja mes vaksinës dhe mpiksjes së gjakut