Deklarata skeptike e mjekut Leonard Solis: Mos u çudisni, vaksina për COVID-19 mund të mos dalë asnjëherë

Mjeku i njohur dhe ish-ministri i Shëndetësisë, Leonard Solis, u shpreh në “Ilva Now” se qytetarët duhet të bëjnë një jetë të kujdesshme duke ruajtur distancën fizike dhe të aplikojnë masat higjieno-sanitare.

Ai u tregua skeptik sa i takon shpikjes së vaksinës, ndaj bëri thirrje që qytetarët të tregojnë vigjilencë maksimale.

“Mund edhe mos të dalë asnjëherë vaksina. Mos u çudisni, nuk do rrimë në vrimë përjetësisht. Ne duhet të bëjmë një jetë të kujdesshme. Tani në matjet e bëra, imuniteti krijohet deri në 6 muaj, pastaj bëhet si gripi i stinës. Duke qenë se nga riciklimi vjen duke u zbutur, kjo është një gjë shumë e mirë. Nuk ka një afat kohor për vaksinën, sepse mund të zgjasë edhe vitin tjetër. Të gjithë duhet të punojmë dhe të mos e kemi frikë. U tregua se ne kemi një imunitet të mirë”, tha ai.

I pyetur për çështjen e shembjes së Teatrit Kombëtar, mjeku Solis hodhi kritikat për aktin dhe për dhunën e ushtruar ndaj aktorëve dhe aktivistëve.

“Për shembjen e Teatrit Kombëtar nuk më erdhi mirë. Dukej si një bast i hedhur me veten. Qëndrimi i policisë ishte i pështirë. Policia duhet të mbjellë dashuri”, tha ai.