Del nga shinat tramvaji në Milano, 1 viktimë dhe 25 të plagosur! Disa u bllokuan nën mjet

Një tramvaj ka dalë nga shinat në Milano, duke u përplasur me shpejtësi të lartë në një ndërtesë. Tramvaji numri 9, që drejtohej për në stacionin e trenit Porta Genova  doli nga shinat rreth orës 16:00 të premten, ndërsa ishte në Viale Vittorio Veneto, në zonën e Porta Venezia.

Një persona ka humbur jetën dhe të paktën 25 persona u plagosën. Gjendja e tyre aktualisht nuk dihet. Disa persona të tjerë me lëndime të lehta, u trajtuan në vendngjarje.

Sipas mediave italiane, disa persona mbetën të bllokuar nën tramvaj. Nuk është e qartë nëse ata po kalonin rrugën dhe automjeti duhej të frenonte fort apo të bënte një manovër të papritur për t’i shmangur ata.

Shumë automjete emergjence shkuan në vendin e ngjarjes. Tramvaji ishte një model i ri Tramlink, i cili filloi të operonte në Milano disa javë më parë. Tramvaji është 25 metra i gjatë, i përbërë nga tre vagona të ndërlidhur dhe ka 66 vende.