Dëmet nga katastrofat, BB: Tërmeti dhe pandemia na kthyen 8 vite pas 

Shqipëria është një vend me ekspozim të lartë ndaj fatkeqësive natyrore, dhe çdo vit preken mesatarisht 30 mijë njerëz dhe 95 për qind e bashkive.

Për Bankën Botërore, ngjarje të tilla shoqërohen me kosto. Por, pas tërmetit të nëntorit 2019 dhe pandemisë, një vit më pas nevojat për ndihma dhe rimëkëmbje janë rritur dhe niveli i varfërisë mund të ketë shkuar 8 vite prapa.

Raporti  “Vlerësimi i riskut të katastrofave në Shqipëri”, citon se tërmeti shkatërrues i 26 nëntorit 2019 rriti varfërinë subjektive me 2.3 për qind.

Ndërkohë, Banka gjykon se kostoja ekonomike e fatkeqësive mund të rritet më tej, me ndryshimet klimatike që do të rrisin frekuencën e përmbytjeve apo stuhive.